Канат Сагынбаев эмгек, социалдык камсыздоо жана миграция министри кызматынан бошотулду

Канат Сагынбаев эмгек, социалдык камсыздоо жана миграция министри кызматынан бошотулду. Тиешелүү жарлыкка президент Садыр Жапаров кол койду.

Анын ордуна Алмаз Имангазиев министрдин милдетин аткаруучу болуп дайындалды.

Президенттин жарлыгына ылайык, Имангазиевдин талапкерлиги министрлик кызматка дайындоо үчүн Жогорку Кеңештин макулдашуусуна киргизилет.