Көк бөрү жана көкпар финалында 5 миңге жакын милиция кызмат өтөдү
Бүгүн, 6-сентябрда Ысык-Көлдүн Бактуу-Долоноту айылындагы ат майданда VI Дүйнөлүк көчмөндөр оюндарынын алкагында көк бөрү жана көкпар боюнча финалдык беттештер өттү. Аларды көрүүгө 50 миңге жакын көрүүчү келди.
Коомдук тартипти жана коопсуздукту камсыздоого 5 миңге жакын милиция кызматкери тартылды.
Ат майдандагы кызмат өтөөнү ички иштер министринин орун басары, милициянын генерал-майору Октябрь Урмамбетов көзөмөлдөдү.
Ал эми финалдык беттештердеги коопсуздук чаралары Бостери айылындагы милициянын кырдаалдык борборунан ички иштер министринин орун басары, генерал-майор Суюнбек Ниязбековдун жетекчилиги астында координацияланды.
Оюндар башталгандан тартып аяктаганга чейин милиция кызматкерлерине кырдаалга жараша кошумча тапшырмалар берилип турду.
ИИМдин маалыматына караганда, иш-чаралар кырсыксыз жана коомдук тартип бузулбастан аяктады.
