Көкпардын финалында Кыргызстан менен Казакстан беттешет

Ысык-Көлдө өтүп жаткан VI Дүйнөлүк көчмөндөр оюндарында жер улак (көкпар) боюнча тайпалык баскыч жыйынтыкталды.

Мелдешке 7 команда катышып, эки тайпага бөлүнгөн.

Жыйынтыгында Кыргызстан менен Казакстандын курамалары өз тайпаларында биринчи орунду ээлеп, финалга чыкты.

Чечүүчү беттеш 6-сентябрда саат 14:00дө Чолпон-Ата шаарында өтөт.

Казакстан — көкпар боюнча учурдагы чемпион. Астанада өткөн мурунку Көчмөндөр оюндарында финалда Кыргызстан менен Казакстан кез келип, коңшулар 5:4 эсеби менен жеңишке жетишкен.

Эми эки команданын кезектеги финалдык беттеши күйөрмандардын өзгөчө кызыгуусун жаратууда.