Казакстан парламентинин сенаты Афганистандагы кырдаалга байланыштуу Кыргызстанга аскердик-техникалык жардам көрсөтүү боюнча келишимдерди ратификациялаган. «Казакстан парламенти Кыргызстандын өкмөтү менен акысыз аскердик-техникалык жардам көрсөтүү боюнча макулдашууну карады. Документке ылайык, Казакстан кошуна өлкөгө курал-жарак, ок-дары жана атайын техника берет», — деп айтылат маалымат булактарында. Кыргызстан техниканы жана ок-дарыны коопсуздук максатында гана колдонууга, үчүнчү тарапка бербөөгө жана КМШ өлкөлөрүнө каршы колдонбоого милдеттендирилген. Ушундай эле жардамды коңшу мамлекет Тажикстанга дагы көрсөтөрү маалым болду.