Кыргызстан менен Өзбекстандын ортосунда жер астындагы 4-тоннель табылды. Ал Өзбекстандын Риштан району менен Кыргызстандын Кадамжай районунан аныкталган.
Бул тууралуу бүгүн, Өзбекстандын коопсуздук кызматы маалымат таратты.
Тоннелдин туурасы 1-1,5 м, бийиктиги 2 м жана узундугу 130 метр болгон. Ыкчам сүрөткө тартуу кадрларында тоннель жарык жана байкоо камералары менен жабдылып, анын полу бетондолгон, ал эми кире бериш жери электр лифти менен жабдылгандыгы көрсөтүлгөн.