Монголиялык ашпозчу «Көчмөндөрдүн дүйнөлүк ашканасы — 2026» сынагында жеңишке жетти

Монголиядан келген ашпозчу Гонгоржав Адилбиш «Көчмөндөрдүн дүйнөлүк ашканасы — 2026» эл аралык гастрономиялык сынагынын жеңүүчүсү аталды.

Сынак 1–5-сентябрь күндөрү VI Дүйнөлүк көчмөндөр оюндарынын алкагында Кырчын капчыгайында өттү.

Баш байге үчүн 15 өлкөдөн келген ашпозчулар күч сынашты. Жеңүүчүгө 12 миң доллар өлчөмүндө акчалай сыйлык тапшырылды.