Муфтият: Айт намаздын программасы жана санитардык талаптар

Кыргызстан мусулмандар дин башкармалыгынын берген маалыматына ылайык, айт намаз 13-май күнү эртең менен Бишкек шаарындагы жана өлкө аймагындагы бардык мечиттерде окулат.

Муфтият санитардык талаптарды бекем сактоону эскертип, айт намазынын программасын жарыялады:

• 07:00-07:15 — Азирети муфтийдин милдетин аткаруучу Жоробай ажы Шергазыевдин куттуктоосу жана баяндамасы;
• 07:15 — Айт намаз.

Айт намазга келген ар бир жаран төмөнкү санитардык эрежелерди так сактоосу керек:

• Бет кап тагынуу;
• Ар бир адам жайнамазын ала келиши керек;
• Мечитте адамдардын ортосунда 1,5 метрлик аралык так сакталышы кажет;
• Жарандардын кол алышып, кучакташып көрүшүүсүнө тыюу салынат;
• Дааратты үйдөн алуу;
• Жаш балдар жана ооругандар, дене табы көтөрүлүп жаткан жарандардын келбей эле койгону туура;
• Айт намазы мечиттерде окулуп бүткөн соң көп убакытка кармалбай тарап кетүү сунушталат.