Кыргыз мамлекеттик медициналык академиясынын Онкология кафедрасынын башчысы Үмөталы Саяков өлкөдө жылына онкологиялык оору менен жабыркаган 5-6 миңдей адам катталарын билдирди.
Анын айтымында, өлкөдө бейтаптардын 50 пайызы илдет өтүшүп кеткенде дарыгерге кайрылат. Ошол себептен КММАнын онкология кафедрасынын Республикалык диагностикалык борборунда 4-майда (бир эле күн) саат 12:00дөн баштап бейтаптарга акысыз консультация берип жана текшерүү жүргүзүлөт.
Акциянын алкагында уролог, маммолог, гинеколог, проктолог, дерматолог, эндокринолог, гастроэнтеролог, гематологдор иштейт.