Ошто жаңы транспорттук түйүн курулууда

17-ноябрь, 2026-ж. / Редакция / Аймак 46

17-ноябрда Ош шаарынын мэри Жанарбек Акаев шаардагы транспорттук түйүндүн курулуш иштеринин жүрүшүн көрдү.

Учурда объектте балкаларды орнотуу иштери жүрүп, курулуш күнү-түнү жүргүзүлүүдө.

Долбоорго ылайык, транспорттук түйүн, төрт пандус, сегиз тепкич жана жер алдындагы жөө жүргүнчүлөр өтмөгү курулат. Ошондой эле унаалардын кыймылын жеңилдетүү үчүн айланма жолдор каралган.

Жалпы аянты 6 603 чарчы метрди түзгөн долбоор жол тыгындарын азайтууга жана жөө жүргүнчүлөрдүн коопсуздугун камсыздоого багытталган.

17-ноябрь, 2026-ж. / Редакция / Аймак 46
Бөлүшүү: Telegram WhatsApp X