Президенттик шайлоо: Бир суткада Жапаров 48 миң кол топтоду

Президент Садыр Жапаров президенттик шайлоого катышуу үчүн талап кылынган 30 миң шайлоочунун кол тамгасын бир күнгө жетпеген убакытта чогултту.

Борбордук шайлоо комиссиясынын (БШК) маалыматына ылайык, Садыр Жапаров 10-ноябрда түштөн кийин президенттик шайлоого талапкерлигин көрсөтүү тууралуу арыз тапшырган. Акыркы маалыматтар боюнча, аны колдогон шайлоочулардын саны 48 миң 742ге жетти.

Ал эми президенттикке өзүн-өзү көрсөткөн башка талапкерлердин арасында азырынча мыйзамда белгиленген 30 миң кол тамга топтоого жетишкендер жок.

Атап айтканда, талапкерлердин кол топтоо көрсөткүчтөрү төмөнкүдөй:

• Сыймык Жалыкeев — 19 070;

• Аймен Касенов — 16 058;

• Исхак Масалиев — 11 227;

• Азамат Эсенбеков — 8 702;

• Акай Кыдыров — 5 196.

Белгилей кетсек, учурда бардык талапкерлер боюнча кол тамгаларды чогултуу иштери уланууда.