Таласта базар жана айрым соода жайлары эки күнгө жабылат

Талас шаарында санитардык тазалоо иштерине байланыштуу 10-11-сентябрда базар жана бир катар соода жайлары убактылуу иштебейт. Бул тууралуу шаардык мэрия билдирди.

Маалыматка караганда, эки күнгө борбордук базар, кийим-кече жана курулуш материалдарын саткан дүкөндөр, автотетик сатуучу жайлар, вулканизациялар жана башка соода түйүндөрү жабылат.

Ал эми кафе, тамактануучу жайлар жана азык-түлүк дүкөндөрү кадимки тартипте иштей берет.