Улуттук банк 20 миллиард сомдой кирешесин өлкө бюджетине которушу ыктымал

Бүгүн Жогорку Кеңештин бюджет, экономикалык жана фискалдык саясат боюнча комитетинде Улуттук  банктын кирешесинин 100 пайызын мамлекеттик бюджетке которуу боюнча мыйзам долбоору каралды.

Документ Улуттук банктын 2024-жылы тапкан пайдасын 100% бюджетке которууну карайт. Каражат республикалык бюджеттин кирешесин көбөйтүүгө жана социалдык маанилүү чыгымдарды каржылоого жумшалат.

Улуттук банктын төрагасынын орун басары Мелис Аттокуров былтыр 2023-жылдын жыйынтыгы менен бюджетке 12 миллиард 436 миллион сом которулганын белгиледи.