Ысык-Көлдүн жээгине 19 чакырымдык веложол курулат

Ысык-Көлдүн жээгине 19 чакырымдык веложолдун курулушу жазында башталат. Туризмди өнүктүрүүнү колдоо фондунан билдиришкендей, веложол Азия өнүктүрүү банкы тарабынан 56 миллион доллар өлчөмүндө каржыланган “Туризмди туруктуу өнүктүрүү үчүн Ысык-Көлдүн экологиясын башкаруу” долбоорунун алкагында курулат. Долбоор 2025-жылдын март айында башталып, аны ишке ашыруу экологиялык абалды жакшыртууда жана аймактын туристтик потенциалын жогорулатууда маанилүү кадам болот.