Өлкөгө 11 тонна мөөнөтү өткөн таттууну алып кирүү аракети токтотулду

Мамлекеттик салык кызматы жүргүзгөн рейдде мөөнөтү өтүп кеткен кондитердик азыктарды ташып кирүү аракети токтотулду.

Текшерүү маалында жүк ташуучу унаадан 4 миң 179 куту таттуу табылган. Жалпы салмагы болжол менен 11 тоннаны түзгөн. Бирок коштомо документтерде жүк 7 тонна деп көрсөтүлгөн.

Андан тышкары, унаада курулуш материалдары да болгону аныкталды.

Бул факты боюнча тиешелүү актылар түзүлүп, автотранспорт мөөр басылып айып короого токтотулду. Чогулган материалдар укук коргоо органдарына өткөрүлүп берилди.