Өзгөндө 7 күн мурун үйүнөн чыгып кеткен 34 жаштагы келин изделүүдө

Ош облусунун Өзгөн районунда 34 жаштагы келин изделүүдө. Бул тууралуу Ош ОИИБдин басма сөз кызматынан билдиришти.

Маалыматка ылайык, Өзгөн районунун 66 жаштагы тургуну Ш. К. 2022-жылы 28-июнда саат 08:00 чамасында 34 жаштагы келини Жаанбаева Бузуура Шакиржонова Шоро-Башат айылындагы үйүнөн чыгып кеткен боюнча дайынсыз болуп жатканын билдирген.

Кийген кийимдери: башында ак түстөгү жолук, үстүндө жашыл түстөгү көйнөк, кара түстөгү шым, бутунда боз түстөгү бут кийим.

Өзгөчө белгилери: бою 160-165 сантиметр, дене түзүлүшү орто бойлуу, кара тору, кашы-көзү кара, чачы узун, кара түстө.

Эгерде изделип жаткан жаранды көргөн, билгендер болсо кабар берип коюуну милиция кызматкерлери өтүнөт.

Байланыш телефондору: 03233 5-06-36, 0550 334323, 0779 334323, 0504 445541.