Кыргызстан менен PIOLINK санариптик инфраструктура жана киберкоопсуздук боюнча кызматташат
Тараптар заманбап технологияларды киргизүү, санариптик инфраструктураны өнүктүрүү жана киберкоопсуздукту камсыз кылуу боюнча кызматташтыктын багыттарын талкуулашты.
Равшанбек Сабировдун айтымында, санариптик инфраструктура бүгүнкү күндө өлкөнүн инвестициялык жагымдуулугунун маанилүү бөлүктөрүнүн бири.
«Биз үчүн алдыңкы технологиялык чечимдерди киргизүү менен гана чектелбестен, санариптик долбоорлорго инвестиция тартуу үчүн жаңы мүмкүнчүлүктөрдү түзүү да маанилүү», — деди ал.
Анын белгилешинче, PIOLINK менен кызматташтык Кыргызстандын технологиялык базасын чыңдоого жана биргелешкен долбоорлорду ишке ашырууга жаңы мүмкүнчүлүктөрдү түзөт.
Жолугушууда санариптик трансформация жана заманбап технологиялык чечимдерди Кыргызстанда киргизүү мүмкүнчүлүктөрү да каралды.
Жолугушуунун жыйынтыгында Инвестициялар боюнча улуттук агенттик менен PIOLINK компаниясынын ортосунда санариптик инфраструктура жана киберкоопсуздук жаатында кызматташуу жөнүндө меморандумга кол коюлду.
