Маданият, маалымат, спорт жана жаштар саясаты министрлиги маалыматына караганда, Жаштар иши, дене тарбия жана спорт агенттигинин жетекчисинин орун басары болуп 31 жаштагы Союзбек Надырбеков дайындалды.
Союзбек Надырбеков 1990-жылы 16-сентябрда Оштун Өзгөн районунун Мырза-Аке айылында жарык дүйнөгө келген.
Жогорку билимдүү. Кыргыз-Түрк «Манас» университетинин эстрадалык вокал, Бишкек гуманитардык университетинин чыгыш таануу жана эл аралык мамилелер факультетинин корей тили бөлүмүн аяктаган.
Кореядагы Чунг-Анг университетинин ички жана тышкы саясат багытында окуган. Мындан тышкары, президенттин алдындагы Башкаруу академиясында магистратураны бүтүп, аспирантураны улантууда.
Иш тажрыйбасы: консультант, координатор, кеңешчи, менеджер, уюштуруучулукту аркалаган.