8-класстар үчүн математика китеби, 1-класстар үчүн иш дептери басылып чыкты

 Жалпы билим берүү уюмдарын жаңы окуу-методикалык комплекстер менен камсыздоо иштери уланууда. Кыргыз Республикасынын Агартуу министрлиги “Учкун” ААКтан 8-класстар үчүн “Математика” окуу-методикалык комплексинин окуу китептеринин биринчи бөлүгүн жана 1-класстар үчүн “Математика” иш дептерлерин кабыл алды.

8-класстар үчүн “Математика” окуу китебинин кыргыз класстарына арналган 93 750 нускасы, ал эми орус класстары үчүн 58 725 нускасы басылып чыкты.

Мындан тышкары, 1-класстар үчүн “Математика” иш дептерлеринин кыргыз класстарына арналган 109 600 нускасы, орус класстары үчүн 70 560 нускасы даярдалды.

Жаңы окуу-методикалык комплекстер заманбап талаптарга ылайык иштелип чыгып, билим берүү процессинин сапатын жогорулатууга багытталган.

Алдыда окуу китептери жана иш дептерлери өлкөнүн жалпы билим берүү уюмдарына белгиленген тартипте жана өз убагында жеткирилет.