Адылбек Касымалиев: Жайкы туристтик сезондо милиция күчөтүлгөн тартипте кызмат өтөйт

Кыргыз Республикасынын Министрлер Кабинетинин Төрагасы – Президенттин Администрациясынын Жетекчиси Адылбек Касымалиев өлкөнүн туристтик аймактарында коомдук тартипти сактоо, жарандардын жана туристтердин коопсуздугун камсыздоо, ошондой эле мүмкүн болгон өзгөчө кырдаалдарга ыкчам чара көрүү үчүн тартылган Бирдиктүү коопсуздук кызматынын бөлүктөрүнүн гарнизондук ачылышына катышты. 

Мындан тышкары, жумушчу сапарынын алкагында МинКаб башчысы Ысык-Көл көлүнүн экосистемасын коргоону камсыздоо боюнча жүргүзүлүп жаткан иштер менен таанышты. Көлдин түбүнөн браконьердик балык уулоочу торлор алынды.