Акжол Махмудов Азия чемпионатында төртүнчү алтын медалын багынтты

Балбан Акжол Махмудов Бишкекте өтүп жаткан Азия чемпионатында чемпион болду. Муну менен кыргыз спортчусу Азия чемпионатында кайрадан жеңишке жетип, төртүнчү алтын медалын утту. 77 кг салмак ченинде күч сынашкан Акжол Махмудов финалдык беттеште Ирандын өкүлү Али Оскуну жеңди. Финалга чейин ал Япония, Казакстан, Өзбекстандын балбандарын утуп алган.