Англиянын жарымы кургакчылык аймагына кирди
Англияда кургакчылык күчөп, өлкөнүн аймагынын жарымына жакыны расмий түрдө кургакчылык зонасы деп жарыяланды. Буга узакка созулган ысык аба ырайы жана жаан-чачындын азайышы себеп болду.
Курчап турган чөйрөнү коргоо агенттигинин маалыматына ылайык, айрым аймактарда дарыялардагы суунун деңгээли төмөндөп, фермерлер түшүмдү мөөнөтүнөн мурда жыйноого аргасыз болууда. Ошондой эле токой жана талаа өрттөрүнүн чыгуу коркунучу жогорулады.
Июль айында Англияда жаан-чачындын көлөмү климаттык нормадан кыйла төмөн болуп, айрым түштүк аймактарда дээрлик жаан жааган эмес. Адистер кургакчылык шартында суу ресурстарына болгон басым күчөп жатканын белгилешти.
Бөлүшүү:
