Азия чемпионаты: Бүгүн кыз-келиндер күрөшү башталат

Бишкек шаарында спорттук күрөш боюнча Азия чемпионаты уланууда.

Дене тарбия жана спорт мамлекеттик агенттигинин маалыматына ылайык, 8-апрелде мелдештин үчүнчү күнүндө кыз-келиндер күрөшү боюнча таймаштар башталды. Бул күнү 50, 55, 59, 68 жана 76 кг чейинки салмак категорияларында медалдар ойнотулат.

Кыргызстандын курама командасынын атынан килемге төмөнкү балбандар чыгат:

• Арууке Кадырбек кызы — 55 кг чейин;
• Сезим Жуманазарова — 59 кг чейин;
• Мээрим Жуманазарова — 68 кг чейин;
• Айпери Медет кызы — 76 кг чейин.

Ал эми 50 кг чейинки салмакта Кыргызстандын өкүлү катышпайт.

Алдын ала беттештер саат 11:30да башталары белгиленди.

Эске салсак, учурда Бишкекте өтүп жаткан Күрөш боюнча Азия чемпионатында Азиянын алдыңкы балбандары күч сынашууда. Мелдеш грек-рим, эркин жана кыз-келиндер күрөшү боюнча өтүп, жалпысынан 350гө жакын спортчу арасында 30 комплект медаль ойнотулат.