«Бала ырысы» трендге айланды: Алгачкы жөлөк пулду алган энелер кубанычын соцтармакта бөлүшүүдө

Эмгек, социалдык камсыздоо жана миграция министрлигинин маалыматына ылайык, 2026-жылдын июль айында «Бала ырысы» жөлөк пулу 191 796 балага дайындалды. 5-августта жөлөк пулдарды төлөө үчүн 235,7 миллион сом каржыланып, каражаттар коммерциялык банктар аркылуу алуучулардын эсептерине которула баштады.

Эске салсак, 2026-жылдын 1-июлунан тартып Кыргызстанда төрөлгөндөн тартып 3 жашка чейинки балдарга ай сайын берилүүчү «Бала ырысы» мамлекеттик жөлөк пулуна арыздарды кабыл алуу башталган.

Жаңы социалдык колдоо чарасы миңдеген үй-бүлөлөргө жардам берип, алгачкы төлөмдөрдү алган энелердин кубанычы социалдык тармактарда кеңири тараган жаңы трендге айланды.