Баңгизатты мыйзамсыз жүгүртүүгө шектелген жаран кармалды

Тактап айтканда, Кылмыш-жаза кодексинин 282-беренесинин (баңгизат каражаттарын, психотроптук заттарды жана алардын аналогдорун сатуу максатында мыйзамсыз даярдоо) негизинде козголгон кылмыш ишинин алкагында ыкчам-издөө иш-чаралары жүргүзүлгөн. 

Анын жыйынтыгында кылмыш ишине шектүү катары Ысык-Көл облусунун тургуну 1976-жылы туулган Х.А. аныкталып, кармалган.

Анын «Мерседес-Бенц» үлгүсүндөгү автоунаасына жана жашаган үйүнө жүргүзүлгөн тинтүү учурунда 60 даана таңгакталган жалпы салмагы 970 граммды түзгөн баңгизат табылып алынган. Табылып алынган баңгизаттар боюнча тиешелүү экспертиза дайындалды. 

Шектүү жаранга карата камакка алуу түрүндөгү бөгөт коюу чарасы тандалды.