Баткен шаарында прокуратуранын заманбап имараты пайдаланууга берилди

Бүгүн Баткен шаарында Баткен облустук прокуратурасынын жаңы административдик имаратынын салтанаттуу ачылыш аземи болуп өттү.

Иш-чарага Кыргыз Республикасынын Министрлер Кабинетинин Төрагасы, Президенттин Администрациясынын башчысы Адылбек Касымалиев, Башкы прокурор Максат Асаналиев, Президенттин Баткен облусундагы ыйгарым укуктуу өкүлү Мамыржан Рахимов, Баткен облустук прокурору Абай Молдокматов жана прокуратура органдарынын кызматкерлери катышты.

Жаңы эки кабаттуу имарат заманбап талаптарга жооп берип, кызматкерлердин ишмердүүлүгүн натыйжалуу уюштуруу үчүн бардык зарыл шарттар менен камсыздалган. Объект республикалык бюджеттин эсебинен курулду.

Ачылыш аземинде белгиленгендей, мындай инфраструктуралык долбоорлор прокуратура органдарынын ишинин натыйжалуулугун жогорулатууга жана калкка көрсөтүлүүчү кызматтын сапатын жакшыртууга өбөлгө түзөт.