Баткенде үч курулуш объектисинин иши убактылуу токтотулду

Баткен облусундагы текшерүү учурунда курулуш жана коопсуздук талаптарын бузган үч турак жай комплекси аныкталды.

Кызыл-Кыя шаарындагы объектилерде курулуш аянтчалары талапка ылайык тосулбаганы, жөө жүргүнчүлөр үчүн коопсуздук чаралары көрүлбөгөнү жана бир катар кемчиликтер табылды.

Натыйжада “Золотой Квадрат”, “Элит Гранд” жана “Асыл Холдинг” ЖЧКларына акт түзүлүп, кемчиликтер жоюлганга чейин курулуш иштери токтотулду.