Фейсбук колдонуучусунун тексти өзгөртүүсүз берилди:
«АЯЛДЫ СЫЙЛАГАНДЫ БИЛБЕСЕҢ, ЖОК ДЕГЕНДЕ, КОРДОБО!
Жакында эле болгон окуя. Саат түнкү 11 менен 12 ортосунда. Двордон кыздын кыйкырган үнү угулганынан балконго чыгып карасам, эки бала кызды тизелетип, бирөөсү мойнунан басып кармап, экинчиси белине тизеси менен чыгып, колдорун кайрып, кыйнап жатышыптыр. Аны көрүп титиреп калдым. Койгула деп кыйкырсам угушпады, өздөрү катуу кыйкырышып сүйлөшүп жатышкан. Сыртка чыккандан өзүм корктум. Анан телефонду алып келип тартып алайын хотя бы и милицияга чалайын десем, ары жактан тиги эки узун бала келип кызды куткарып, бөлүштүрүп калышты. Аларга деле баш ийбей «БУЛ МЕНИН КАТЫНЫМ, ӨЗҮМ БИЛЕМ. БРАТ, СЕН КИРИШПЕ. КОЙО БЕР, МЕН АЛЫП КЕТЕМ, СӨЗҮМ БАР» деп, кыйкырып жатат. Кыз болсо «АЛДАЙТ, КҮЙӨӨМ ЭМЕС» деп, тиги зөөкүрдүн колунан чыкканга аракет кылып жатты. Сыртта адамдар бар болчу. Эч ким үн да чыгарган жок. Ары жактан бир улуу эже өтүп баратып «койгула» десе, «ЭЖЕ, КИРИШПЕҢИЗ, СЕМЕЙНЫЙ УРУШ» деп коюптур. Анан двордо аялдар пайда болуп калганда мен дагы сыртка чыктым. ЭМНЕ УНЧУКПАЙСЫҢАР КӨРҮП ТУРУП» десем, «БАЛА МАС ЭКЕН, КЫЗДЫ БИРӨӨЛӨР МЕНЕН КАРМАП АЛЫПТЫР, КЫЗГАНЫП УРУШУП ЖАТЫШАТ» деп айтышты. Сырттан дом жакты карасам, адамдар терезелеринен карап түрушат, бир дагы эркек «Ээ койгула» деп үн катып койгон жок. Ошого абдан таң калдым.
