Бишкекте 17-сентябрда айрым райондордо ичүүчү суу берүү убактылуу токтотулат
Бишкектин айрым аймактарында 17-сентябрда саат 09:00дөн 19:00гө чейин ичүүчү суу берүү убактылуу токтотулат.
«Бишкексууканал» муниципалдык ишканасынын маалыматына караганда, чектөө «Аэропорт» суу топтомосунда жүргүзүлө турган профилактикалык оңдоп-түзөө иштерине байланыштуу болот.
Суу берүү эски аэропорттун аймагында, Чыңгыз Айтматов проспектисинде, Токтоналиев жана Т. Океев көчөлөрүндө токтотулат.
Өчүрүү турак жайларга, мектептерге, мектепке чейинки билим берүү мекемелерине, саламаттыкты сактоо уюмдарына жана башка социалдык жана өндүрүштүк объектилерге таасир этет.
«Бишкексууканал» жашоочуларды жана уюмдарды ичүүчү сууну алдын ала камдап алууга чакырды.
Пландуу жана авариялык өчүрүүлөр тууралуу маалыматтарды өз убагында алуу үчүн «Менин шаарым» тиркемесин жүктөп алуу сунушталат.
