Бишкекте 22 окуучуга, 19 мугалимге вирус жукту

Бишкек шаардык мэриясынын маалымат кызматынын билдирүүсү боюнча, бүгүнкү күнгө Бишкек шаарындагы мектептеринен 22 окуучудан жана 19 мугалимден коронавирус аныкталган.
Буга байланыштуу жети мектептин 11-классынын окуучулары аралыктан окууга жиберилген.
Окуу башталгандан тарта 1-,2-,3-,4-,5-,9- жана 11-класстардын окуучулары, жалпы 100 миң бала мектепке барган. 1 377 окуучунун ата-энелери балдарын аралыктан окутуу тууралуу арыз жазышкан.
Учурда № 13, 28, 52 орто мектептерде окуучулар онлайн режимде окуп жатышат.