Бишкекте 7 мугалим, 14 окуучу коронавирус илдети менен ооруп жатат

Бишкек шаардык билим берүү башкармалыгынын жетекчиси Элмира Иманалиева маалымат жыйында 14 окуучу коронавирус илдетин жуктуруп алганын маалымдады. Анын айтымында, азыр борбордогу мектептерде окутуу салттуу түрдө жүрүп жатат. 1-апрелде төртүнчү чейрек башталып, 105 миң окуучу шаар мектебинде кадимки тартипте билим алышууда. Учурда 14 окуучудан коронавирус илдети табылган. Мындан сырткары 7 мугалимге да диагноз коюлган. Алар учурда дарыланышууда.