Бишкекте Кытай кино күндөрү өттү

Бишкектеги «Ала-Тоо» кинотеатрында «Жибек жолунун жарыгы жана көлөкөсү» эл аралык долбоорунун алкагында Кытай кино күндөрү өттү.

Иш-чарада кытай тасмасы түпнуска тилинде орусча субтитр менен көрсөтүлүп, эки өлкөнүн кино тармагынын өкүлдөрү кызматташтыктын келечегин талкуулашты.

Кытайдан атайын делегация келип, кыргызстандык кино ишмерлери менен пикир алмашты. Иш-чара Кыргызстан менен Кытайдын маданий жана кинематографиялык байланышын бекемдөөгө багытталды.