Чек ара маселеси боюнча Өзбекстандын делегациясы Ошко келет

Улуттук коопсуздук комитетинин төрагасы Камчыбек Ташиев, Өзгөн районундагы Куршаб айыл өкмөтүнүн жергиликтүү тургундары менен болгон жолугушуусунда, чек ара боюнча сүйлөшүүлөрдү жүргүзүү үчүн 10-майдан кийин Өзбекстандын делегациясы Кыргызстанга келерин билдирди. Ташиевдин айтымында,тараптардын жолугушуусу Ош шаарында өтөт.

Эске салсак, ушул жылдын март айында, УКМКнын төрагасы Камчыбек Ташиев башында турган өкмөттүк делегация, кыргыз-өзбек мамлекеттик чек арасын делимитациялоо жана демаркациялоо боюнча Өзбекстанда өткөн жыйынга катышкан.