COVID-19: Бишкекте кошумча стационарлар кайрадан ачылат

Биринчи вице-премьер министр Артем Новиков коронавирус инфекциясынын жайылышына каршы күрөшүү жана анын кесепеттерин жоюу тууралуу республикалык ыкчам штабдын кезектеги жыйынын өткөрдү.

Анда өлкөнүн ар бир аймагындагы эпидемиологиялык абал, дары-дармек, медициналык жабдуулар, дарыгерлердин саны, ооруканаларда COVID-19га чалдыккан бейтаптар үчүн кошумча орундарды жана стационарларды ачуу маселелери талкууланып, Бишкек шаарында абал кооптуу болуп бара жатканына  байланыштуу, келерки жумададан баштап  кошумча стационарларды ачып, дарыгерлердин мобилдик тобун көбөйтүү каралууда.