COVID-19: Вирус дагы 380 кишиге жукту. Каза болгондор бар

22-апрелге караган суткада, өлкөдө вирус дагы 380 адамга жукту. Бул тууралуу Саламаттык сактоо министрлиги билдирди.

Маалыматка ылайык:
Бишкек шаарында — 246, Ош шаарында — 14, Чүй облусунда — 91, Ош облусунда — 5, Нарын облусунда — 2, Ысык-Көл облусунда — 15, Жалал-Абад облусунда— 5, Баткен облусунда — 2 кишиден вирус табылды.
COVID-19 илдетинен Бишкек шаарында 4 жана Чүй облусунда 1 бейтап каза болду.
Март айынан бери 93 миң 006 адамга вирус жушуп, 1 миң 566 бейтап көз жумду.