Дене тарбия жана спорт агенттигине жаңы жетекчи дайындалды

Казыбек Молдажиев Дене тарбия жана спорт боюнча мамлекеттик агенттиктин директору кызматынан бошотулду. Бул тууралуу Президенттин басма сөз кызматы билдирди.

Маалыматка ылайык, Казыбек Молдажиев бул кызматты 2025-жылдын 1-октябрынан бери аркалап келген.

Анын ордуна Урмат Асанбаев Дене тарбия жана спорт боюнча мамлекеттик агенттиктин директору болуп дайындалды.