Эгемендикке арналган «Китепкана түнү – 2026» маданий кечеси өттү

«Эгемендик  ыйык мурас, Уңгужол  келечекке багыт» деген ураан алдында уюштурулган маданий кечеде окурмандар жана коноктор үчүн ар кыл мазмундагы программалар тартууланды. Анын алкагында белгилүү инсандар, юристтер жана психологдор менен жолугушуулар, мастер-класстар, көркөм кол өнөрчүлүк көргөзмөлөрү, адабий сынактар, интеллектуалдык оюндар, шахмат мелдештери, видеокөрсөтүүлөр, концерттик номерлер, кино көрсөтүүлөр жана театрлаштырылган оюн-зооктор уюштурулду.

Иш-чарага Кыргыз Республикасынын Маданият, маалымат жана жаштар саясаты министрлигинин өкүлдөрү, Альберт Зульхарнеев, кыргыз шахмат союзунун өкүлдөрү, ошондой эле коомдук ишмерлер, маданият өкүлдөрү жана китеп сүйүүчүлөр катышты.

Маданий кечеге борбор калаанын тургундары, жаштар жана шаар меймандары активдүү катышып, китеп менен маданият айкалышкан өзгөчө чыгармачылык атмосферага күбө болушту.

«Китепкана түнү – 2026» иш-чарасы саат 18:00дө башталып, түнкү саат 24:00гө чейин уланды.