Ала-Тоо Резорттун адистери асма-аркан жолдордун коопсуздугу боюнча атайын окуудан өтүштү
Быйыл жаз айларында «Ала-Тоо Резорт» ААКнын кызматкерлери асма-аркан жолдор боюнча дүйнөдөгү алдыңкы компаниялардын бири болгон австриялык Doppelmayr компаниясынын адистеринен атайын окуудан өтүштү.
Окутуу учурунда кызматкерлер асма-аркан жолдорду туура иштетүү, күн сайын техникалык текшерүү жүргүзүү, жабдууларды көзөмөлдөө жана башкаруу системалары менен иштөө боюнча жаңы билимдерди алышты. Ошондой эле күтүүсүз кырдаалдарда кандай аракет кылуу керектигин жана жүргүнчүлөрдү коопсуз эвакуациялоо жолдорун үйрөнүштү.
Бүгүнкү күндө бул адистер курорттогу асма-аркан жолдордун коопсуз жана үзгүлтүксүз иштешин камсыздап жатышат.
«Ала-Тоо Резорт» үчүн коопсуздук жана сапат ар дайым башкы орунда. Курорттун командасы коноктор үчүн ыңгайлуу жана коопсуз шарттарды түзүү багытында иш алып барууда.
