Кыргызстан Нью-Йорктогу өкүлчүлүгүн эки эсеге көбөйтөт

13-июль, 2026-ж. / Редакция / Жаңылыктар 202

Кыргызстан БУУнун Коопсуздук кеңешиндеги ишине даярдык көрүү үчүн Нью-Йорктогу туруктуу өкүлчүлүгүнүн курамын көбөйтөт. Бул тууралуу тышкы иштер министри Жээнбек Кулубаев билдирди.

Анын айтымында, учурда өкүлчүлүктө 9 дипломат иштеп жатса, жакын арада алардын саны 18ге жетет. Мындан тышкары, Нью-Йоркко дагы 10 кызматкер жөнөтүлөт.

Кыргыз дипломаттары БУУнун Коопсуздук кеңешине жаңы мүчө болгон өлкөлөр үчүн уюштурулган атайын окуу программасына катышат. Кыргызстан 2027-жылдын 1-январынан тарта кеңештин ишине толук кандуу киришет.

13-июль, 2026-ж. / Редакция / Жаңылыктар / #БУУ / #дипломат / #Жээнбек Кулубаев / #Тышкы иштер министри 202