Жалал-Абадда жүрөк-кан тамыр ооруларын дарылоочу жаңы борбор курулууда

Жалал-Абад облусунда жети кабаттуу жаңы медициналык борбордун курулуш иштери кызуу жүрүүдө. Бүгүнкү күндө имараттын курулушунун 50 пайыздан ашыгы бүткөрүлүп, объектте 150дөн ашык жумушчу эмгектенүүдө.

Долбоор Кыргыз Республикасынын Турукташтыруу фондунан бөлүнгөн 1 млрд сом каражаттын эсебинен ишке ашырылууда. Борбор заманбап медициналык жабдуулар менен камсыздалып, жүрөк-кан тамыр ооруларын аныктоо жана дарылоо үчүн бардык шарттар түзүлөт.

Жаңы медициналык жайдын пайдаланууга берилиши аймактагы тургундарга көрсөтүлүүчү медициналык кызматтын сапатын жогорулатып, заманбап диагностика жана дарылоо мүмкүнчүлүктөрүн кеңейтүүгө өбөлгө түзөт.