Бишкектин айрым жерлеринде ысык суу эки күнгө өчүрүлөт

Бишкектин Чүй проспектисиндеги айрым үйлөрдө ысык суу убактылуу токтотулат. Бул тууралуу «Бишкекжылуулуктармагы» муниципалдык ишканасы билдирди.

Маалыматка ылайык, жылуулук тармагын реконструкциялоо иштеринин алкагында 11-август саат 09:00дөн 12-август саат 18:00гө чейин ысык суу берилбейт.

Өчүрүү Чүй проспектисиндеги 26, 42, 44, 97, 99, 99/1, 99/2, 105, 107, 109, 111, 113, 115, 115А, 117, 119-үйлөргө, ошондой эле Гражданская, Курманжан Датка көчөлөрүндөгү бир катар даректерге тиешелүү.

Ысык суу «Туризм академиясы», «Алыш» социалдык шаарчасы, №17 кесиптик лицей, Свердлов акимиаты, КРСУ жана айрым бизнес объектилерине да убактылуу берилбейт.

«Бишкекжылуулуктармагы» жарандардан убактылуу ыңгайсыздыкка түшүнүү менен мамиле кылууну суранды.