Кыргызстан Ливанды 3:1 эсебинде жеңип, жолдоштук беттешти жеңиш менен жыйынтыктады

Бүгүн, 4-окябрда Министрлер Кабинетинин Төрагасы Адылбек Касымалиев Бишкекте өткөн Кыргызстан менен Ливандын футбол боюнча улуттук курама командаларынын жолдоштук беттешине катышты.

Оюн Дөлөн Өмүрзаков атындагы стадиондо өтүп, эки команда 2027-жылкы Азия кубогуна даярдык көрүүнүн алкагында күч сынашты.

Беттеш Бишкек шаарындагы Д.Өмүрзаков атындагы стадиондо өттү.

Адылбек Касымалиев Кыргызстандын улуттук курама командасына колдоо көрсөтүп, күйөрмандар менен бирге оюндун жүрүшүнө күбө болду.

Оюндун жыйынтыгында Кыргызстандын курама командасы Ливандын командасын 3:1 эсебинде жеңди.