Канат Сагынбаев: Санариптик трансформация эмгек рыногун өзгөртүүдө

Министр өз сөзүндө Евразиялык экономикалык биримдиктин жалпы эмгек рыногун өнүктүрүүдө санариптик трансформациянын ролу өзгөчө мааниге ээ экенин белгиледи. Ал кызматкердин санариптик профили жарандардын эмгек стажы, квалификациясы жана кесиптик компетенциялары тууралуу маалыматтарды бириктирген заманбап система болорун айтты.

Ошондой эле Канат Сагынбаев Кыргызстанда эмгек рыногун жана социалдык тармакты санариптештирүү багытында жүргүзүлүп жаткан иштер тууралуу маалымат берди. Анын айтымында, өлкөдө бирдиктүү иш менен камсыз кылуу маалыматтык системасы ишке киргизилип, электрондук эмгек келишимдери менен электрондук эмгек китепчелерин жайылтуу боюнча иштер уланууда. Мындан тышкары, мамлекеттик органдардын маалымат алмашуусун камсыз кылган «Түндүк» ведомстволор аралык системасын өнүктүрүү чаралары көрүлүүдө.

Жыйынтыгында министр ЕАЭБге мүчө мамлекеттер менен иш менен камсыз кылуу, эмгек мобилдүүлүгү жана санариптик инструменттерди өнүктүрүү багытында кызматташтыкты мындан ары да бекемдөөгө Кыргыз Республикасы даяр экенин белгиледи.