Ким күчтүү? Чүйдө эки тоо текенин «таймашы» видеого түштү

Чүй облусунун тоолуу аймактарынын биринде эс алуучулар эки тоо текенин өз ара күч сынашкан учуруна күбө болушту.

Эс алуучулар тарткан видеодо эки эркек тоо теке бири-бири менен сүзүшүп, күч сынашканы көрүнөт. Алардын айланасында башка тоо текелер жана эчкилер чогулуп, окуяны сырттан байкап турушкан.

Адистердин маалыматына ылайык, мындай көрүнүш тоо текелеринин табигый жүрүм-турумунун бир бөлүгү. Айрыкча көбөйүү мезгилинде эркек текелердин ортосунда атаандаштык күчөп, үстөмдүк үчүн күч сынашуусу мүмкүн.

Министрлик жарандарды жапайы жаныбарларга аяр мамиле жасап, алардын жашоо чөйрөсүнө кийлигишпөөгө чакырды.