Индияда коронавирустун кош мутацияланган штаммы аныкталды. Бул тууралуу өлкөнүн саламаттыкты сактоо министрлиги билдирди.
Азырынча Индиянын бийлиги илдеттин мутацияланган түрүнүн келип чыгышы жана анын жайылышынын ылдамдыгы тууралуу маалымат чогултуу аракетин көрүүдө . Буга чейин америкалык илимпоздор коронавирустун британ, түштүк африкалык жана бразилиялык штаммдарын февраль айында аныктап чыгып, илдеттин мутацияланган түрлөрү алгачкы штаммдан 8 эсе тез жайыларын айтышкан. Дүйнөлүк саламаттыкты сактоо уюмунун берген маалыматы боюнча, британ штаммы дүйнөнүн 101 өлкөсүндө, түштүк африкалык штамм – 51 өлкөдө, бразилиялык штамм — 29 өлкөдө жайылган. Ал эми Швейцариянын саламаттык сактоо боюнча федералдык кеңешчиси Ален Берсе, аныкталган жаңы штаммдар алгачкы штаммдан 50 пайызга кооптуу экендигин билдирген.
