Кыргыз балбандары дүйнөлүк рейтингде алдыңкы саптардан орун алышты

Дүйнөлүк күрөш рейтингинде Кыргызстандын беш балбаны орун алды. Бул тууралуу United World Wrestling (UWW) уюмунун расмий сайтында маалымдалды.

Рейтингде 57 килограммга чейинки салмакта Бекзат Алмаз уулу 2-орунду ээледи. Ал эми 74 килограммга чейин Эрназар Акматалиев 3-сапка жайгашса, 61 килограммга чейинки салмакта Тайырбек Жумашбек уулу 8-орунда турат. Ошондой эле 74 килограмм салмакта Орозобек Токтомамбетов 24-орунду, 86 килограммга чейинки салмакта Мухаммад Абдуллаев 34-орунду ээледи.

Жаңыланган тизме спортчулардын 2025-жылы Хорватияда өткөн дүйнө чемпиондугунда топтогон упайларынын негизинде түзүлдү.