Кыргызстан менен Кытай энергетика тармагында жаңы макулдашууга кол койду

Кыргызстан менен Кытай электр энергетикасы тармагындагы кызматташтыкты кеңейтүү боюнча макулдашууга кол коюшту.

Документке 23-сентябрда Кытайдын Ханчжоу шаарында Кыргызстандын энергетика министри Алтынбек Рысбеков менен Кытайдын Мамлекеттик энергетика башкармалыгынын өкүлү кол койду.

Макулдашуу электр энергетикасы тармагында биргелешкен долбоорлорду ишке ашырууга жана кыргыз-кытай кызматташтыгын кеңейтүүгө багытталган.

Тараптар сүйлөшүүлөрдүн жүрүшүндө энергетика тармагындагы кызматташтыкты, анын ичинде жашыл энергетиканы өнүктүрүү маселелерин талкуулашты.

Макулдашууга кол коюу Кыргызстан менен Кытайдын энергетика тармагындагы сүйлөшүүлөрүнүн практикалык жыйынтыктарынын бири болду.