Кыргызстанда бир күндө 17 мектеп жана 3 бала бакча ачылды

Кыргызстанда бүгүн бир күндө 17 мектеп жана үч бала бакча пайдаланууга берилди. Бул тууралуу Министрлер кабинетинин төрагасы Адылбек Касымалиев билдирди.

Анын айтымында, жаңы мектептер Бишкек, Манас жана Ош шаарларында, ошондой эле Ноокен, Тоң, Алай жана Айтматов райондорунда жайгашкан.

Жаңы ачылган 17 мектептин 10у Бишкек шаарында курулган.

Касымалиевдин белгилешинче, өлкөдө билим берүү мекемелерин куруу иштери акыркы жылдары кыйла ылдамдады.

«Мектептерди куруу темпи күчөп, совет мезгилиндеги көрсөткүчтөрдөн да ашып бара жатат», — деди ал.