Кыргызстанда эмгек мыйзамдарын бузуу фактылары 38%га азайды

5-август, 2026-ж. / Редакция / Жаңылыктар 64

Кыргызстанда 2026-жылдын биринчи жарым жылдыгында эмгек мыйзамдарын бузуу боюнча 723 факт аныкталды. Бул өткөн жылдын ушул мезгилине салыштырмалуу кыйла аз көрсөткүч.

Эмгек, социалдык камсыздоо жана миграция министрлигинин маалыматына ылайык, 2025-жылдын январь–июнь айларында 1 миң 172 мыйзам бузуу катталган. Быйыл бул көрсөткүч 449 учурга кыскарып, 38,3 пайызды түздү.

Ошондой эле иш берүүчүлөргө мыйзам талаптарын аткаруу боюнча берилген милдеттүү көрсөтмөлөрдүн саны 469дан 198ге чейин азайды. Бул 57,8 пайыздык төмөндөө.

Мындан тышкары, жүргүзүлгөн текшерүүлөрдүн саны да кыскарып, 596дан 527ге түштү. Натыйжада текшерүүлөр 11,6 пайызга азайган.

Министрлик бул көрсөткүчтөр эмгек мыйзамдарынын сакталышын камсыз кылуу боюнча жүргүзүлүп жаткан иштердин жыйынтыгын көрсөтөрүн белгиледи.

5-август, 2026-ж. / Редакция / Жаңылыктар / #мыйзам бузуу / #Эмгек Кодекси 64