«Мадина» базарындагы өрттөн келтирилген чыгымды аныктоо иштери уланууда

«Мадина» базарындагы өрттөн жабыркагандарга компенсация төлөнүп жатканы тууралуу маалымат тарады. Бирок учурда төлөмдөр боюнча акыркы чечим кабыл алына элек.

Маалыматка ылайык, өрттүн келип чыгуу себептери жана келтирилген чыгымдын көлөмүн аныктоо боюнча иштер уланууда.

Алдын ала эсептөөлөрдүн негизинде чыгымдын суммасын Свердлов райондук администрациясы аныктап, тиешелүү материалдарды укук коргоо органдарына өткөрүп берген.

Учурда тергөө иштери да жүрүп жатат. Анын алкагында өрттүн бардык жагдайлары, ошондой эле окуяга кимдер жооптуу экени аныкталууда.

Буга байланыштуу жабыркагандарга компенсация төлөнбөйт деп айтууга азырынча негиз жок. Тиешелүү иштер улантылууда.

Акыркы чечим тергөө жана текшерүү иштери аяктап, келтирилген чыгымдын так көлөмү аныкталгандан кийин кабыл алынат.