Мамлекет башчысы борбордук мечитте ооз ачар өткөрдү

Президент Садыр Жапаров 6-мартта, Бишкек шаарындагы Имам Сарахси атындагы Республикалык борбордук мечитине келген жамаат үчүн ооз ачар өткөрдү.

Мамлекет башчысы чогулгандарды ыйык орозо айы менен куттуктап, бул мезгилде адамдардын бири-бирине кам көрүп, муктаждарга жардам берип, руханий жактан тазаланууга умтулуусу өзгөчө маанилүү экенин белгиледи.

Ошондой эле ал жарандардын тилектери кабыл болуп, ар бир үй-бүлөдө тынчтык, бакубатчылык жана ынтымак болушун каалады.

Иш-чаранын соңунда өлкө башчысы мечитке келген жамаат менен бирге ооз ачып, намаз окуду.